Onte 7 de maio de 2011, no concerto que a cantante grega Eleftería Arvanitaki ofreceu no Auditorio de Galicia de Santiago de Compostela, cantou To parapono (Το παράπονο) unha preciosa canción que non coñecía e que segundo a propia cantante dixo ten letra do poeta Odysseas Elýtis e música de Dimitris Papadimitriuo. O tema do que trata é o da vida e que non hai unha segunda oportunidade.
A canción é tan bonita e me gustou tanto que a estiven buscando na rede ata que a atopei, ademais para os que tampouco cremos que haxa unha segunda vida, adquire aínda máis significado. Aqui vola deixo xunto cunha traducción ó galego que me tomei a liberdade de facer.
O laio
Aqui, a medio camiño da miña ruta
chegou o momento de dicir
As cousas que amo están noutros lugares
non tiña intención de vir por este camiño
Na verdade, na mentira,
eu falo e confeso
eu falo e confeso
como se fose outro, non eu mesmo,
Camiñei pola vida
Non importa o prudente que fose
Non importa o prudente que fose
Non importa o que correse tra-los obxectivos
Sempre, sempre é tarde
por que non hai unha segunda vida
Odysséas Elýtis
Odysséas Elýtis
No comments:
Post a Comment